25 апрель Нохчийн меттан лерина де!

26 апреля 2017 | 06:46
{share}:

25 апреля в Чеченской Республике отмечается День чеченского языка!

Поздравляем всех с  Днем чеченского языка.

На каждом новом поколении лежит ответственность за сохранение родного языка. Не зря говорят: "Пока жив язык, жива и нация". Каждый должен внести свой вклад в сбережении накопленных знаний и их передачу детям и внукам.

Ненан Мотт

Доьзалехь бийцар а дастам а хеташ,

Хьуо винчу ненан мотт дIатесна ахь.

"Сов къен бу дешнашна,бац атта кхеташ"!-

Бохуш,и сийсазбан ца хета иэхь.

 

ЛадогIа цкъа соьга, "хьекъале корта",

ЛадогIа, яккхи дIа лергара потт:

Йистйоцу хIорд санна, бу хьуна шорта

Ша хууш волчунна вайн нохчийн мотт.

 

ГIиллакхе, оьзда бу доттагIче буьйцуш,

МостагIче вистхуьлуш -- ду ира герз,

Хьомечу езаре безам ахь буьйцуш,

Бека и,шех хуьлий хьан деган мерз!

 

Мерза бу, моз санна, ша безачунна,

Ламанан шовданал цIена бу и.

Лермонтовс, Толстойс а ладегIна цуьнга,

Услара даггара хестийна и.

 

БIешараш хийла а ихна и бекаш,

Хьацарлахь, къийсамехь кхиъна и бу.

Кхоьллинчу халкъана хьанала бецаш

Даиман ша хилла нохчийн мотт бу.

 

Вайн халкъан ойланаш, дахар а гIийла

Далхадеш, къийсамна гIиттина цо.

Нохчочун майралла, оьздалла хийла

Зевнечу иллешкахь екийна цо!

 

Кхидолчу къаьмнашна шайниш а санна,

Нохчашна шайн ненан мотт хьоме бу.

Нагахь хьо ца вагIахь хьайн халкъацанна,

Хаалахь, декъазниг,- хьо цхьалха ву!

 

                                                                Арсанукаев Шайхи

{share}:

{similar_news}

{chechen_republic}

{popular_news}

{chechen_lang_studio}

{legal_advice}

{anket}

{groz_radio}

{presentation}

{cloud}